suo Ambrosio, armati adeuntes ipsius ecclesiam. In crastinum
simul cum clero laici in letaniis et laudibus ad sanctum
denuo procedentes Ambrosium reatus preteritos confitentur
alterutrum. Absolutione vero a sacerdotibus, qui presto aderant,
celebrata reversus est in pace populus universus ad
propria.
11. Hic iam apparet scismatis huiusce terminus decem
novemque per annos semper ab ipsa radice pululando protensi.
Unde Patarinum processit primo vocabulum, non quidem
industria, set casu prolatum. Cuius ydioma nominis, dum
in quodam ethimologiarum thomo nuper plura revolverem,
ita scriptum repperio: Pathos Grece, Latine dicitur perturbatio .
Unde iuxta mee parvitatis ingeniolum statim conitio,
quod Patarini possunt perturbatores rite nuncupari, quod plane
rerum probat effectus. Verumtamen si quando quis probatiori
fuerit interpretatus sententia, concedo equidem tota
mentis tranquille convenientia, dummodo nomen concordet
operi, opus vero respondeat nomini, quoniam a primo huius
sono vocabuli error populorum impetusque bellorum, turbo
|
|