Quem non ficte diligimus,
libenter ammonuimus,
Ut inhonesta fugiat
Et in dando non mugiat.
Hylari vultu porrigat,
Cum tempus aut res postulat,
Sua cunctis non dividat;
Cui det, bene videat.
Relictis coętaneis
Non se iungat extraneis,
Quibus non bene creditur;
De petra lac non premitur.
Multum valet discrecio,
Quę non sub uno precio
Tales et quales redigit,
Sed meliores eligit.
Cum cęno mel non temperat,
Sed ab invicem separat;
Mei defert ad triclinium,
Cęnum ad sterquilinium.
In suo quemquam ordine
Sapiens novit ponere;
In sinistra non collocat,
Quem dextra dignum computat.
O homo, discretissime
Ab albo nigrum divide;
Lateri iunge proximum
Neque ponas post hostium.
|
|