litteram intelligi ut multi diligentes uxores patrem
et matrem relinquant. Et hoc est; Verumtamen et
vos , etc.
20. AUGUST. (lib. XII Contra Faust Manich ., c. 9,
t. VI.) Relinquet homo . Quis enim non agnoscat
Christum eo modo reliquisse Patrem; qui cum in
forma Dei esset, non rapinam arbitratus est esse se
aequalem Deo, sed semetipsum exinanivit formam
servi accipiens? Reliquisse etiam matrem Synagogam
Judaeorum Veteri Testamento carnaliter inhaerentem
et adhaesisse uxori suae Ecclesiae [ al . sanctae] ut
pace Novi Testamenti essent duo in carne una, quia
cum sit Deus apud patrem, per quem facti sumus,
factus est participes noster, ut illius capitis corpus
esse possemus.
21. ID. ( Exposit. in Evang. Joan . 10, t. IX.) Et matrem .
Quomodo reliquit matrem? Relinquendo Synagogam
Judaeorum, de qua secundum carnem natus est
Christus.
22. LANFR. Sacramentum . Quod de viro et uxore
dicit, et ad litteram intelligendum est secundum
saeculi consuetudinem, et spiritualiter de Christo et
Ecclesia. Patrem Christus relinquere visus est,
quando semetipsum exinanivit, et formam servi
accepit. Matrem Synagogam, ex qua natus est, reliquit;
quando ipsa in sua infidelitate persistente,
ad praedicandum gentibus apostolos misit, et ex
eorum conversione, Ecclesia congregata, quasi
sponsae sponsus adhaesit, cum qua unigenitus est in
carne una; quia carnem quam de virgine sumpsit,
in missa et celebritatibus, quotidie Ecclesia
sumit.
23. Verumtamen . Quasi diceret: quamvis ergo
hoc sacramentum in Christo et Ecclesia intelligam
spiritualiter, verumtamen vos a morali intellectu
historiae nolite recedere.
CAP. VI.—1. LANFR. Quod est mandatum primum .
In prima quidem tabula tria fuere mandata
ad Deum pertinentia, id est: Non adorabis deos
|
|