6

Mox equitum turba, peditum comitante caterva,
Armis accingunt sese classemque relinqunt,
Invadunt hostes contra sine mora furentes.
Sed prior incursus mutans discrimina casus,
Istos victores, illos dedit esse fugaces.
Quos cives isti ferientes vulnere tristi,
Plurima pre portis straverunt milia morti;
Conversique cito tentoria litore figunt,
Ignibus et ferro vastantes omnia circum.
Victores victis sic, facta cede, relictis,
Incolumes multo Pisas rediere triumpho.
MLXVI. Venerunt Ianuenses cum stolo ad fauces Arni.
MLXXII. Iverunt Pisani ad Portum Delfini, et fuerunt in gravi periculo, iudicio
Dei, non hominis.
MLXXVII. Guido, Pisanus episcopus, Papiensis genere, obiit VI Idus Aprelis. Eodem
anno comitissa Beatrix IIII Kal. Madii obiit.
MLXXVIII. Anno Domini MLXXVIII. Ianuensis stolus usque ad fauces Arni occulte
devenit. Tunc strenui Pisani concite in eos surrexerunt et fugaverunt illos usque ad Venerem
Portum. Hoc factum est in die Sancti Cassiani.
MLXXVIII. Ianuensis populus per latrocinium ad Vadense castum devenit, et tunc
Pisani ad Rapallum viriliter perrexerunt et castrum igni succenderunt, et plurimos eorum
gladio interfecerunt; viros ac mulieres, manibus post tergum ligatis, captivos tripudianter
perduxerunt. Tunc Pisani hoc triumpho revertentibus Ianuensibus obvi ati sunt, et pene et
usque domos eorum fortiter illos infugaverunt. Hoc fuit tertio idus Madii.
MLXXXVI. Gerardus, genere Pisanus, eiusdem Ecclesie episcopus, VIII Idus Madii
obiit; et eodem anno valida fames, maxima mortalitas fuit fere per totam Italiam. Vendebatur
enim sextarium tritici solidos VII.
A.D. MLXXXVIII. Fecerunt Pisani et Ianuenses stolum in Africa, et ceperunt duas
munitissimas civitates, Almadiam et Sibiliam, in die Sancti Sixti. In quo bello Ugo vicecomes,