Domino legato … notarius domini pape.
Grata servitia que mihi … dilectus socius et cappellanus meus exhibuit
hactenus et exhibere non cessat attendens, sibi reddor obnoxius, ut apud
dominos et benivolos meos honoris sui procurem sollicitus incrementum.
Ea propter paternitatem vestram, de qua plene confido, attentis precibus
et devotis exoro, quatenus eidem de canonicatu et prebenda, si qua in
ecclesia Monopolitana vacat ad presens, caritatis intuitu et mee devotionis
obtentu dignetur vestre benignitatis auctoritas providere. Scituri quod
persone proprie fieri reputabo gratiam quam in hac parte sibi duxeritis
exibendam.
Camerario domini pape … amicus.
|
|