Guido Faba: Ars dictaminis

385


CLXXVIII.
Epistola que per ornatum verborum sublimes personas
circuit et nobiles et magnates.

«Ad hoc dominus vestram imperialem maiestatem preesse
voluit super terras, ut universorum iura pie sub vestro munimine
conserventur; divina misericordia providit populo christiano,
cum vestram personam ad decus et decorem imperii
preelegit; ad hoc divina clementia serenitatem vestram
orbi preposuit universo, ut per eam imbecilles et dispensatores
ministeriorum Dei a pravorum incursibus tueretur» - «Vestra
regalis celsitudo succurrat, gloria vestra succurrat, nos magnificentia
vestra non deserat; ad vos secure confugimus quia
dominum alium non habemus, ad illustrem sublimitatem vestram
recurrimus ut protecti onis subsidia sentiamus, ad spectabilem
vestram gratiam nostra gravamina reducimus et querelas»
- «cuius fama lucida per mundum resonat universum»
vel «quem ubique extollunt sue merita bonitatis» vel
«quem illustrat fama et gloria militaris» vel «quem liberalitas
dignum honore facit» vel «quem curialitas nominat
gloriosum» vel «quem floridum retinent solatia dominarum,
quem strenuitas et multa nobilitas reddunt carum, laudabilem
et famosum»; vel «qui circa consilia prepollet et prudentie
magne responsa, qui aurem benignam consuevit subditis conmodare,
qui non consuevit aures avertere a querelis, qui
iustitiam non denegat postulanti, qui omnibus poscentibus
audientiam prebet liberam et benignam, qui iustitiam diligit
et odit iniquitatem, qui sub speciali protectione consuevit
confovere debiles, orphanos et egenos, qui defendit benivolentia
paternali pauperes ab oppressionibus tyrannorum, qui porrigit
manum lapsis, indigentes confovet, et afflictos mestitia consolatur,
qui oppressos relevat et infirmis subsidia elargitur» -
«Quapropter» vel «eapropter» vel «unde, imperiali

Torna all'inizio