Petrus Mallii: Descriptio basilicae Vaticanae

Pag 418


Sedem Papiae blando moderamine rexit.
Imperator[i] Octoni dulcis fuit atque praeclarus,
Commissum populum Romanum moribus instruens,
Dulcis in eloquio, cunctis praeclarus amicis,
Subiectis placidus, pauperibusque pius.
Defunctus est Iohannes papa Romanus mense augusti, die .XX.
Benedictus papa IIII. Hic qepultus fuit iuxta aditum qui vadit
ad Sanctum Gregorium de Palatio. Cuius epitafium est istud:
Membra Benedicti hic quarti sacrata quiescunt
Pontificis magni, praesulis eximii,
Qui merito dignus Benedictus nomine dictus,
Cum fuerit largus omnibus atque bonus.
Huic generis decus ac pietatis splendor opimus:
Ornat opus cunctum iussa Dei meditans.
Praetulit hic generale bonum lucro speciali,
Mercatus caelum cuncta sua tribuit.
Despectas viduas nec non inopesque pupillos
Ut natos proprios assidue refovens.
Inspector tumuli, compuncto dicito corde:
<< Cum Christo regnes, o Benedicte, Deo >> .
Christophorus papa. Hic requiescit in ecclesia Beati Petri. De
quo habetur hoc epitafium:
Hic pia Christophori quiescunt membra sepulchro.
Anastasius papa III; cuius epitafium est istud:
Vatis Anastasii quiescunt membra sepulchro,
Sed nunquam meritum parvula claudit humus.
Sedem apostolicam blando moderamine rexit
Tertius existens ordine pontificum.

Torna all'inizio