Pag 177

sic Deus ex malo elicit aliquando bonum. Eodem anno Mediolanenses ceperunt
castrum Papiensium Vegevale dictum.
Codex 1.(U. S. A).
Anno MCCI. Cremonenses captivaverunt Bruzellam Brisiensium et currum
eorum deduxerunt Cremonam. Eodem anno deletum est Vegevele. Eodem
anno cives Constantinopolitani, Alexium tyrannum habentes exosum, quendam
Iohannem coronarunt. Set ab eisdem in palatio destitutus est; unde et nocte
proxima a Warangis Alexii occisus est. In quo conflictu puer Isachii filius
de carcere liberatur.
Omnes codices.
Anno [Domini] MCCII. Inter Cremonenses et Placentinos pacis federa conponuntur.
Quo anno quasi iubileo fere in tota Lombardia treugue vinculantur
in lustro. In quo lustro maximus fuit motus peregrinorum euntium ultra mare.
Inter quos fuere precipui Baldoinus comes Flandensis et Lodoicus comes Blesensis
et Bonifacius marchio Montis-ferrati. Qui omnes aput Venetias congregati
cum Venetis Zadram municipium Venetis nimis infestum destruxerunt. Interea
puer Alexius, filius imperatoris Ysachii, de carcere liberatus Philippum cognatum
suam, regem Alamanie, adiit, supplicans sibi auxilium impertiri.
Anno [Domini] MCCIII. Dux Venetum ceterique barones adolescentem
Alexium unanimiter assumentes ad Iliricum pervenerunt. Et primo Duratium
puero subiugaverunt, ceterisque maritimis subiugatis Constantinopolim pervenerunt.
Interea in Venetos ceterosque Latinos Constantinopolim morantes Grecorum