Non enim solum benefactorum vestris premia digna rependitis, sed
vestra extenditur munificentia etiam ad ignotos, nec solum beneficos
laudibus ad altiora provehitis, sed etiam increpationibus vestra insurgit
perfectio in eos, qui contrariis innituntur.
32. FORMA COMMENDATIONIS NEGOTII DE QUO AGITUR
Si quis enim ad pacem persuadeat, sic eam poterit commendare.
Desideranda vobis est, inclite antianorum ordo, pacis tranquillitas et
summo desiderio expetenda, dum nulla presertim causa iracundie vos
impellit, nulla iniuriarum illatio vos lacessit. Dignus est enim preminentia
vestra sonus, quod vestrorum morum honestus alliget principatum.
Pacem enim bonarum artium cetus matrem agnovere decoram,
mortalium genus successione reparabili propagantem, facultatem copiam
protendentem, morum facetiam excolentem, et tantarum rerum
ingratitudo redarguit eius dulcedinem non querentes. Hanc celestis
virginea soboles sic dilexit, ut in sui elogio testamenti pacem suam
|
270
275
280
|