ab istis talibus offenduntur, unum remedium invenerunt, nam
ipsi portant propugnacula sive palos accutissimos de uno fortissimo
ligno, portant sagittas sine ferro. Quia homines illi male
sunt armati, navigantes per mare eos vulnerant et penetrant
istis palis accutissimis et sagittis, et sic isti tales ab illis
se viriliter defendunt isto modo. De cannis istius casan faciunt
vela suis navibus, sextoria, domunculas, multaque alia que sunt
utilitatis magne. Multa etiam sunt in ista contrata que
scribere et audire quasi stupor esset. Quapropter multum
non curavi ea scribere.
De regno Zampa cuius Rex habet CC filios et XIV milia elefantum;
ubi pisces veniunt super ripam maris tribus diebus
ibi commorando. Cap. XV.
1. Ab isto regno est aliud regnum nomine Zampa, distans
per multas dietas, cuius contrata multum pulcra est, nam in
ipsa magna copia est omnium victualium et bonorum. Rex contrate
istius, ut dicebatur quando ibi fui, inter filios et filias ducentos
bene habebat, cum multas haberet uxores aliasque mulieres
quas ipse tenet.
2. Hic Rex XIIII millia elefantum domesticorum habebat,
quos ipse teneri faciebats et observari ab illis hominibus de
villis suis qui sibi sunt subiecti, sicut hic castrones; et alia
|
|