Quo peracto Laudenses equites clamore audito Mediolanenses
sic fortiter persecuti sunt, quod, antequam ad socios redire
valuissent , ultra viginti ex eis cum equis et armis capti sunt.
Mediolanenses vero considerantes socios fugientes
acriter urgeri, unanimiter Laudensibus occurrentes magnum
prelium cum eis inceperunt. Sed Laudenses, utpote satis pauciores,
non valentes resistere, in fugam conversi sunt ac usque
prope civitatem partim se defendendo repulsi fuere. Quocirca
Mediolanenses omnes vel multos ex suis, qui capti ducebantur,
recuperaverunt ac etiam de Laudensibus cepere octo
milites; inter quos fuit Vitus filius Lafranchi de Trexeno,
Bernardus de Bagnolo, Albricus Lomelinus, Ottobellus
Cachamustus, Otto Mezoparentis et quidam alii. Quattuordecim
tamen de Mediolanensibus in carcerem ducti sunt;
inter quos fuit Codeguerra Vicecomes et Monachus de Palatino
|
1
5
10
15
|