exhibere honores, ad quod debita racione cohibeor, nobilitatem vestram
instantissime precor quatenus palefridum vestrum michi commodare
velitis, pro certo tenentes quod, diligenti custodia custoditus,
in mei reditu sine more dispendio remittetur.
15. Pro alia causa
Desiderans, dante Deo, ad presens cum meis sociis Paschatis celebritate
gaudere, vestram nobilitatem precor quatenus equum vestrum,
etc.
16. Pro alia causa
Dum ad regimen civitatis Florentine, ad quod servicium me electus
transferre proponam, concedente Domino , die tali, vestram caram nobilitatem
exoro quatenus michi vestrum dextrerium a dextera ducendum
illuc michi commodare velitis, pro certo tenentes quod ipsius
remissio ad plus elongabitur per quindenam.
17. Responsiva prima, quod transmittitur
Quem vestra sibi commodare postulavit epistola, ecce mittitur
equus, vel palefridus, vel dextrerius, pro libito retinendus. Vel sic:
Ut equi defectu non obmittatis celebrare paschalia, petitus equus
transmittitur, ut vestre littere series declaravit. Vel sic: Palefridum,
quem sibi vestra peciit commodari nobilitas, vobis per latorem presencium
destino, retinendum pro vestre nobilitatis arbitrio tamquam
vestrum.
18. Responsiva, quod non mittitur
Equus michi vestris litteris non mittitur postulatus, cum nunc temporis
fuit ab incauto ferrario clavo tactus. Nam, vidente nuncio quem
misistis, sic fortiter claudicabat in stabulo, quod nequibat contingere
pede terram.
19. Alia responsiva, quod datus est alteri
Mei equi domini talis peticio vos prevenit, qui, commodatus illi,
vobis commodari non potuit, velut absens.
20. Domicelli ad domicellum pro asture
Ad animi recreacionem, qui forensium locorum sunt incole, frequenti
siquidem aucupacione letantur. Cum itaque, ut scitis, remotis
agentibus, non parum desiderem talibus potiri solaciis, rogo quatenus
michi transmittatur per vos diebus aliquibus vester astur. Vel sic
|
|