ita breviter dici potest, pensionem vero solitam solitis
dominis, more solito et tempore consueto, pro ipsa re,
dictus emptor et sui heredes dare debeant, et de cetero
solvere teneantur annuatim.
DE VENDITIONE ET EMPTIONE NOMINE FICTI VEL TENIMENTI.
/*
Cambius filius I., hoc venditionis instrumento, die
presenti, nomine ficti vel tenimenti, vendidit, dedit, tradidit
et concessit tali quandam petiam terre et rei positam
loco tali et cetera, ut supra de omnibus. Set in
fine instrumenti est ita dicendum: et dictus I. emptor,
et sui heredes, aut ipse cui eam dederint, annuatim,
die tali et loco, ei vel cui solitum est dari, dare et reddere
teneantur et debeant; tanquam: tantam partem
totius bladi et fructus quod dictus dederit annuatim,
in tali mense, nomine ficti vel tenimenti, si eam voluerit
recipere.
DE VENDITIONE PRELATI ECCLESIE CAUSA NECESSITATIS.
/*
Dominus I., Dei gratia abbas ecclesie et monasterii
Sancte Marie de Florentia, consensu et parabola capituli
et monacorum fratrumque suorum, scilicet talis et
talis presbiterorum, et talis et talis diaconorum et subditorum
presentium, profitens coram sacrosanctis evangeliis,
vice et nomine iuramenti, se hanc venditionem
et concessionem pro utilitate et melioramento predicte
ecclesie et monasterii facere, et non observare ad dampnitatem
nec ad lesionem, set pro necessitate, videlicet
pro solvendo debito usurario tot librarum, quod in veritate
dare tenebatur tali ex mutuo ab ipso contracto,
pro talibus expensis factis iam et necessarie faciendis,
in causa sive pro causa quam hbet cum tali vel habere
sperat, vel in tali re quod aliunde i[t]a comodo
solvere vel facere non poterant; ideoque utiliora ipsius
ecclesie providendo, et ne usurarum cumulus supercresceret,
|
|