alias dicitur: Supra modum in sublimitate aeternum
gloriae pondus .
20. Profundum . Profundum infernum vocat. Orat
ergo Apostolus quatenus haec quatuor possint intelligere,
et intellecta, tria appetere, unum
vitare.
21. AGUST. (Epist. 112 ad Paulinam De videndo
Deo , cap. 23, tom. II.) Ut impleamini . Sic implebuntur
in omnem plenitudinem Dei, non cum fuerint
et ipsi plenus Deus, sed cum fuerint perfecte pleni
Deo.
22. AMBROS. Ut impleamini , id est, ut ipsi in proportione
communis corporis videamini, in quo Deus
inhabitat.
23. Ei autem qui potens . Post gratiae narrationem
orat pro illis, et sub spem [ f ., specie] gratiarum
actionis concludens dogmaticos sermones incipit
ethicos.
24. LANFR. Saeculi saeculorum . Saeculum saeculorum
est aeternitas cujus partes sunt tempora et
omnia saecula. Potest etiam intelligi saecula saeculorum,
hoc praesens saeculum ab initio mundi usque
ad finem simul intellectum, quod in multa saecula
dividitur.
CAP. IV.—1. AMBROS. Ego vinctus . Ad reverentiam
mutat, quia adjecit: Ego vinctus in Domino ;
si quidem ipsa vincula propter praedicationem habere
videtur.
2. Unum corpus , hoc est, hanc unitatem illibatam
custodite, per pacem et charitatem; et hoc esse
necessarium multis modis ostendere nititur per ea
quae sequuntur.
3. LANFR. Unum corpus et unus spiritus . Unum
habetis spiritum, sicut estis unum corpus, ut non
sitis schismatici.
4. AMBROS. Et unus spiritus . Spiritus qui nos regeneravit;
corpus, inquit, per regenerationem consistere
videmini.
5. Qui super omnes . Qui omnibus supereminet.
Hoc enim dicit super omnes, qui et per omnia
|
|