clamavit; Christi vero sanguis ad interpellandum
pro nobis de terra clamat ad Patrem.
6. LANFR. Illum salvum faceret a morte . Non ut
moreretur, sed ut resurgendus a morte non
teneretur.
7. Et quidem cum esset . Exponit ipsam reverentiam.
Magna enim religio fuit eum, qui aequalis erat
Patri, duram in passione morte obedientiam [ f .,
mortem obedientia] experiri.
8. AMBROS. Didicit ex his . Obedientiam didicisse
Filium Dei, hoc est voluntarie suscepisse.
9. Et consummatus est , id est, perfectus et sufficiens
ad salutem aeternam omnium credentium.
10. LANFR. Et consummatus est . Consummatus
etsi aliis videtur seductor, illis tamen visus est consummatus,
id est, perfectus qui obtemperaverunt
sibi causa salutis aeternae. Potest et ita distingui ut
causa nominativus casus sit, hoc modo; et consummatus,
id est, perfectus, vel ab hoc saeculo mortuus,
factus est causa salutis aeternae omnibus obtemperantibus
sibi; per fidem enim passionis et resurrectionis
illius salvantur credentes.
11. Juxta ordinem . Juxta ritum offerendi panem
et vinum, quod Melchisedech primus fecisse legitur;
quae tamen in Christi carnem et sanguinem
convertuntur.
12. De quo grandis . Si, inquit, vellemus vobis
exponere cur Christus secundum ordinem Melchisedech
factus est pontifex, grandis nobis sermo esset,
necessariis [ f ., necessarius] et interpretabilis, id est,
habens multas expositiones mysteriorum et
allegoriarum.
13. Facti estis ad audiendum , id est, ad intelligendum,
sicut ad Corinthios: Nemo audit, id est,
intelligit.
14. Exordii sermonum Dei . Exordium sermonum
Dei vocat Symbolum Christianae fidei, quod non solum
non intelligebant, sed nec ipsam litteraturam
qua praefertur [ f ., profertur] memoriter sciebant.
15. Lacte opus sit . Lac est brevis insinuatio et facilis
observatio morum. Solidus cibus est ratio ipsius
fidei et perfecta institutio vitae. Probare intendit
quia illis opus est lacte; omnis enim expers sermonis
justitiae particeps est lactis. Haec probatio in libro
conversa. Vos autem estis expertes sermonis,
|
|