2. Haec Maria fuit illa domini gratissima,
quae unguenti pretiosi rore mixto balsami
ante diem festum paschae libram nardi pistici
fracto fudit alabastro, corpus unxit domini.
3. Dabat dulcia per sacros pedes strictim basia,
non cessabat lacrimarum resolutis crinibus
undas tergere; sacratis domini de labiis
audiebat uerbum; domus flagrabat odoribus.
4. Fractum signat alabastrum Iesu corpus mystice,
quod in crucis est altare passionis tempore
fossum clauis et apertum per scissuram lanceae,
de quo sanguis redundauit, unda fluxit laticis.
5. Hoc de fonte pietatis odor flagrantissimus
emanauit, quo repletus mundus illum caruit
sordidum foetorem dudum, pro dolor, heu miseri
quem tulerunt protoplasti serpentis de gutture.
6. Hoc de fonte mundus omnis ablutus a crimine
pretiosi modo spirat odoris flagrantiam,
candidis indutus stolis, scissa perizomata
est exutus peccatorum contexta de foliis.
7. Est Maria baptizata hoc in fonte, credula
est et Martha, quarum frater infirmatus Lazarus
mortis atque uitae stabat summo in confinio,
pro quo nuncium sorores triste ferunt domino:
|
|