terram, possessionem seu possessiones vel bona in tota valle
Diverii ad fictum ab aliqua quavis persona ad terminum seu
in enfiteusim habitante extra valle Diverii a modo in antea
teneatur et debeat et obbligatus sit ad solutionem omnium taliarum
et fodrorum ac espensarum imponendarum super ipsis
bonis per consules et credentiarios suprascriptae vallis quemadmodum
solvent alii vicini suprascripti comunis. Et quod
possint pro ipsis taleis pignerari et molestari sicut alii vicini
vallis diverii ac similiter quod qualibet persona quae convicinata
sit cum suprascripto comuni vendens aliquam possessionem
seu bona immobilia alicui personae forensi et quod non
sit convicinata cum supradicto comuni et quae habitat extra
dictam vallem ut supra teneatur solvere omnes taleas et expensas
ut supra praedicto comuni omni tempore. Reservato tamen
quod enfiteuta solvens taleas dictas habeat regressum.
CXVIII. – QUOD CONSULES DEBEANT INCIPERE INCANTUM SOSTAE.
Item statuerunt et ordinaverunt quod consules et credentiarii
vallis Diverii qui erunt per tempora debeant incipere
incantum sostae comunis vallis Diverii omni anno a Sancto
Andrea Apostolo et facere ipsam incantare ita quod sit deliberata
in calendis iannuarii tunc proxime sequentis. Et quod
partitor qui incantaverit et cui deliberata fuerit dicta sosta debeat
intrare, partire et regere ipsam sostam et partitam ballarum
incipiens a calendis ianuarii secundum formam statutorum.
Et erunt pacta apposita cum praedictis consulibus et
credentiariis. Et quod partitor sostae de anno preterito non
debeat se impedire de suprascripta sosta et partita ab ultimo
die decembris ultra. Et ballae quae appulerint ad dictam sostam
ultima die decembris per totam diem inclusive vel usque
ad mediam noctem sint partitoris veteris. Et postea non debeat
se impedire, sed ipsa partita ballarum sit libera comunis
praedicti seu illius qui ordinatus et constitutus fuerit per dictos
consules et credentiarios ut supra dictum est.
CXIX. – QUOD INCANTANTES SOSTAM COMUNIS TENEANTUR FACERE
BONUM DEPOSITUM.
Item statuerunt et ordinaverunt quod quilibet persona incantans
sostam et pedagium predicti comunis in initio sui incantus
sostae et pedagii teneatur facere depositum librarum
decem imperialium pro sosta et pedagio in manibus consulum
dictae vallis.
|
|