CAP. I.—1. AMBROS. Ad Philippenses . Philippenses
viri elegantes erant, sed de primatu contentio erat
inter quosdam illorum, et hoc inter illos qui virtutibus
ornati videbantur. Scribitur ergo his de custodia
humilitatis, et ut non intenderent dictis illorum
qui custodire eos legem suadebant.
2. Cum episcopis . Episcopos dixit, qui nunc presbyteri
dicuntur, nec enim hujus ordinis fas erat
multos esse in una civitate.
3. LANFR. Communione vestra , id est, qua communionem
habetis in Evangelio Christi, vel ut majorem
habeatis; ad utramque enim sententiam
refertur.
4. Confidens hoc ipsum . Hoc ideo adjecit, quia
incautum videbatur gaudere de his quorum exitus
erat incertus.
5. In diem Christi . Diem Christi Jesu vocat vel
uniuscujusque diem extremum, quo de corpore exit,
et ad judicium Christi perducitur; vel finalem saeculi
diem, quo ad judicandum venturus est Dominus.
6. Sicut et mihi justum est . Quasi diceret: Gratias
pro vobis ago, Deum oro. De vobis bene confido,
sicut justum est mihi de vobis hoc sentire, id est,
|
|