Petrus de Vinea: Epistolarum libri VI. Tomus II

Pag 106

Tomus II


Cap. LXXXII.
Fidelibus, confortans eos in fide, et ut credant
nuncio.
Cum inter caeteros fideles nostros, vos et
vestram civitatem, quae nostra et Imperii
est Camera specialis, fovere et manutenere
velimus in omnibus, ob fidem puram
et devotionem sinceram, quam ad sacrum
Imperium et personam nostram habuistis hactenus,
et habetis: propter quod a nobis
et Imperio, digna debetis praemia reportare:
universitatem vestram per sacros apices
nostrae Celsitudinis, ad servitia nostra solicitandam
duximus, et hortandam, mandantes:
quatenus si honorem Imperii diligitis, et nostrae
Serenitatis gratiam affectatis, in executione
servitiorum nostrorum, sic more solito exhibeatis
vos in omnibus promptos, deditos et
paratos: ut gratia nostra in vobis, de bono in
melius, per exhibitionem operum semper crescat:
et vestra exinde devotio possit merito
commendari. Caeterum quicquid magister G.
de Cyra capellanus, notarius et fidelis noster,
quem ad partes ipsas pro nostris servitiis duximus
destinandum, pro eisdem servitiis nostris
vobis dixerit et injunxerit, tanquam nobis
indubitanter vestra credat devotio, et adimpleat
cum effectu.
Cap. LXXXIII.
Cuidam nobili, de eodem.
Ecce quod magistrum G. de Cyra capellanum,
notarium et fidelem nostrum, pro

Torna all'inizio