vocabatur, alterum vero Trecade, cepit ac penitus usque
in fundamentum ea destruxit. Hoc autem a Mediolanensibus
cognito pro mortuis se reputaverunt; ac deinde omnia
quecumque potuerunt mala de rege utpote hoste dicere
conati sunt.
Rex autem deridens cum marchione Gulielmo de Monferato
ad Astem perrexit. Astenses vero civitatem ipsam deserentes
ad quandam eorum roccam, que vocatur Nonum,
in quodam monte supra ipsam civitatem non multum longe
positam cum omni ipsorum mobilia confugerunt. Rex itaque
ipsam Astem civitatem capiens tradidit eam predicto marchioni,
pro quo iam dictos Astenses in bannum posuerat ipsamque
civitatem propterea ceperat, quod per ipsum iusticiam
eidem marchioni facere renuerant. Ipse vero marchio partem
muri ac quam plurimas turres ipsius civitatis destruens fedus
cum ipsis Astensibus fecit.
Preterea Papienses, qui tunc cum Terdonensibus guerram
habebant, ad predictum regem venientes graviter de Terdonensibus
conquesti fuere, dicentes ipsos maximas iniurias eis intulisse
|
1
5
10
15
|