Hec vindicta mea est, cunctis ignoscere culpis,
Ista sacerdotis plena est victoria. Pacem
Exopto patrie, cives viduasque reduci
Ad natale solum, primique ad iura redire
Urbem prisca status, et plene libera reddi
Sacra. Paratus ero nostrum prestare ducatum
Sic vobis. Numen pariter celeste petamus,
Quod solet oppressis invictum ferre iuvamen.
Non animos odium corrumpat, quisque virilis
Miles erit, quemquam armigerum succendant ad arma
Fas, propriique lares. Tunc iussit cuncta parari
Bellica, Novariam venit, mox opida cepit
Plurima, qui Seprii, parva comitante cohorte,
Menibus Antistes vicinis sedit Orone.
Est enim tutus locus hic et nobile castrum.
At ubi fama citis Urbi denunciat alis
Presulis adventum, boreales insupes oras
Archipatri parere suo, reliquasque paratas
Ad patris amplexus celeres, formidine pressi
Arma movent et amica vocant suffragia cives.
Hinc Cremona venit, succurrit Lauda repente,
Parmaque tirones mittit, vagulosque per arva
Ad predam doctos equites dat Crema, quiritis
Assistit mucro Germani civibus audax
Conductus precio, Papia miles ab urbe
Pulsus in auxilium celeratque expertus in armis.
Metropolis falerata acies non defuit illis.
Planicies ubi lata iacet tentoria figunt
Non longo spacii iactu prope menia Fultus
Presul magnanimus non multo milite, forti
Spe tamen accincto, pedites congessit agrestes
Munitos animo, pro libertate paratos
In gladios et bella suas conmittere dextras.
Plebeios lorica viros non plurima texit
|
|