non redintegrat verbum, sed id commutat quod positum est verbum
alio verbo, quod idem valeat, hoc modo': hic est qui patriam decoravit;
hic est qui civitatem honoris insigniis illustravit. Commutatur
enim hec prima distinctio alia distinctione idem valente.
e) Exemplum casualis varietatis
Erit igitur hoc rude thema: Cesar fuit probus. Sic ergo fiet mutatio
per singulos casus: probitas Cesarem insignivit; probitatis Cesaree
impetus turmas stravit hostiles; probitati Cesaris hostilis audacia paruit;
probitatem Cesaris gestorum eius magnificentia profitetur; o
probitas animosa Cesaris, proposito plene patens, quam sublimia eum
pervertere docuisti!; probitate Cesaris, quicquid sibi summa petenti
obstabat, viriliter impellente, hostilis audacia subcumbebat.
f) Exemplum continuationis in sententia
Illum non multum potest fortune impetus iaculari, vel illi non multum
|
590
595
600
|