Anno igitur dominicę, incarnationis millesimo .CXVIIII., indictione
.XII. et .XVIII. kalendas ianuarii, feria quoquę .II. ebdomadę
.III. Adventus dominici, domnus Beraldus nocte obiit famosę
memorię et huius cęnobii Farfensis abbas laudabilis. hęc autem
sunt ornamenta quę hac in ecclesia ipso die quo migravit certissime
reliquit. in primis altare itinerarium quod regina Agnes
nobis optulit valde optimum. tabulam quoque ante altare principale
maiorem argenteam et deauratam pensantem libras, et
alteram minorem super eodem altare simili opere pensantem libras
* *, quas ipse fieri fecit, et cruces argenteas .II. maiores et .I.
minorem. Missalem maiorem cum tabulis argenteis. Missalem
domni Oddonis, et Textum evangelii quem pręfata
regina huic monasterio dedit cum tabulis eburneis, et alium
cum crucifixo argenteo, et alium prędicti Oddonis cum tabulis
deargentatis, et Cottidianum evangelistarium cum tabulis