Sed dat per penitentiam
Pietas indulgentiam.
Foris stat Pacientia,
Ut Ira et Dementia
In dorso Pacientię
Fabricent omni tempore.
Circa frequens mysterium
Et cure desiderium
Calcata Somnolentia
Currit Oboedientia.
Convocat Amicitia
Ad munerum officia
Omnes secundum meritum
Futurum vel preteritum.
In cęlesti milicia,
Si desit Amicicia,
Apparebit divortium
omne scindens consortium.
Huius virtutis gratia
Sol est in mundi patria;
Quam si de mundo tuleris,
Solem furatus fueris.
Haec refulsit propitia
In mundi puericia;
Sed hanc sua nequitia
Turbavit Avaricia.
|
|