Denique in Marci successoris beati Silvestri actis legitur, quod
eius suggestione optulit idem ipse Constantinus Augustus basilicę
quam ipse papa fecerat via Ardeatina fundum Rosarum. alię
vero basilicse in Urbe optulit idem Constantinus fundum Antonianum
via Claudia, fundum Vaccanas via Appia, fundum Orream
via Ardeatina.
Hic anirmadvertat prudentissimus censor, si prius Constantinus
omnem Italiam beato Silvestro concessit, quid hoc extitit quod,
illius successore Marco suggerente, pręfatos fundos in supradictis
ecclesiis contulit ? sed et dominium sibi terreni imperii in
Italia omnes imperatores ex tunc ita reservarunt, ut illorum
semper consensu pontifices confirmarentur, sibique in aliquo offensi
corrigerentur. denique Liberium Constantius Augustus
triennio exiliavit, et postea reconciliato eo, Felicem catholicum
interea constitutum eiecit de episcopatu. Felicem quoque
secundum qui eum hereticum declaravit capite truncari fecit.
Bonifatius autem primus una die sub intentione ordinatus cum
Eulalio iussionis Placidę Augustę sedentis Ravennę et filii eius
Valentiniani habitantis Mediolani missa auctoritate de Urbe expellitur,
sed postmodum utrorumque iussione Augustorum revocatur,
et in sede confirmatur. Eulalius autem foras in Campaniam
mittitur. Xistus vero tertius cum a quodam Basso
criminaretur, ab episcopis .LVI. purgatur, et Bassi damnati facultates
et prędia, prefatorum Augustorum pręcepto, Ecclesię catholicę
sociantur. Simmachus etiam et Laurentius sub intentione
ordinati diviso clero atque senatu, constituitur ut ambo
pergerent Ravennam ad iudicium regis Theoderici. quo cum
irent, censuram ęquitatis primo ordinatus et maxima parte constipatus
|
|