21. Ostensionem . In illis, inquit, quos vobis mittimus,
ostendite quam charitatem habeatis, et quae
bona sit gloriatio vestra pro nobis.
CAP. IX.—1. AMBROS. Quoniam Achaia parata .
Post Macedonas, Achaiam dicit paratam. Deinde ut
Corinthii fiant parati.
2. LANFR. Erubescamus vos . Si imparati, inquit,
fueritis, nos verecundiam habebimus in hac substantia,
id est, eleemosyna, vos forsitan non
habebitis.
3. Et praeparent . Ordo: Ut praeparent benedictionem
hanc repromissam paratam esse, sic quasi
benedictionem, non quasi avaritiam. Promiserant
enim Apostolo quod ita praepararent eleemosynam,
benedictio non avaritia [ forte benedictione non
avaritia].
4. AMBROS. Qui seminat in benedictionibus . Hic in
benedictionibus seminat, qui bona voluntate spe
futurae retributionis hoc agit.
5. Justitia ejus manet . Justus est qui sibi soli non
|
|