est. Quid enim laboriosius quam aprehendere sapientiam? Utique
nec labor ipse corporeus ita difficillimus est. In primo statu, labor
fuit pueris aprehendere Iitteram ad instructionem exterioris hominis,
et in secundo, spiritalem intellectum agnoscere ad instructionem
interioris; scire utique peccatum illuc esse mechiam corporis, homicidium
et similia, hic autem interioris hominis mechiam, veluti homicidium,
et his similia, et servare vel ea tunc que Moyses famulus
Domini custodienda mandavit, vel ea in secundo statu, que Dominus
Moysi mandavit dicens, «nisi habundaverit iusticia vestra», et
cetera. Porro in tertio statu labor huiuscemodi non imponitur, quia
mundato vase intus et extra, restat ut repleatur frumento, vino et
oleo, sicut scriptum est in psalmo quarto: «signatum est super nos
lumen vultus tui Domine: dedisti letitiam in corde meo. A fructu
frumenti, vini, et olei sui multiplicati sunt in pace in idipsum dormiam
et requiescam. Tale etenim Ecclesia diceret: quia lumen vultus
tui signatum est super nos, et dedisti leticiam in corde nostro
multiplicans filios meos fidei, spei et caritatis muneribus, quid mihi
resta laboris, et non potius ut ipsa dormiam et requiescam?
Bene ergo cantat alleluia, que dicere potest, dedisti leticiam in corde
meo, bene tria cantica personat, que secure iam dicit, «manent
autem fides, spes, caritas, tria hec». Propter hec enim tria, Dominus
Ihesus Christus resurrexit a mortuis fidem faciens, ascendit in celum
|
|