libertas reddita faciat in corde et corpore gaudiis et letitia letabundos.
Gaudeatis igitur et exultetis in Domino et Sibi, pro tanto munere tantoque
bono, una cum ceteris benivolis et fidelibus nostris, gratiarum et laudum
cantica personetis, pro firmo tenentes, quod tam personam vestram
quam commissam vobis ecclesiam benivolentia condigna in sinceritatis
azimis prosequi semper intendimus ac vobis, in vestris et vestrorum oportunitatibus,
quantum bono modo poterimus, auctore Domino, qui nos de
carcere servitutis eripuit, complacere.
... rex … fidelibus suis super coronatione sua, per Stephanum.
Divine provisionis acies, que in sui dispositione non fallitur neque fallit,
ne genus humanum per abusum liberi arbitrii laberetur, dum par in
parem imperium non haberet, ad ipsius regimen reges constituit et varias
alias statuit dignitates. Huius siquidem immensa potentia stabilivit imperia
regnaque firmavit, per hanc profecto reges regnant in soliis et potestas
quelibet regitur super terram. Hec quoque nos licet immeritos et indignos,
principibus regalis prefecture fastigiis adornatis sua voluntate nos aggregans,
hereditatis paterne dignanter habere voluit successorem. Nam nobis,
longo iam tempore infestis eventibus fatigatis, ad sinum recurrentibus
|
|