reddere segnem posset, mavult tamen liberalem se prebere sodalibus,
quam vitio redargui parcitatis. Mittitur itaque vobis hec cedula, que
vos pungat et excitet, ut, mihi vestro, litterulam aliquam transmittatis.
... Stephanus viro magne scientie ac probitatis eximie …
Pro devoto et dilecto meo …, qui subest vestre ferule discipline, qua
vitia pellitis et, novella quadam plantatione, virtutes inseritis, affectuose
vos deprecor, quatenus ipsum, mei contemplatione rogantis, habere velitis,
prerogativa profectus, si placet, favorabiliter commendatum. Ita quod
ipse, quem amore prosequor speciali ex precibus meis, que, sub antique
societatis fiducia et dilectionis federe quo unimur, a socio porriguntur,
benivolum sibi doctorem inveniat et sentiat fructuosum, et me vobis
proinde, si augmentum plenitudo suscipiat, ad vestra strictius beneplacita
obligetis.
... amico Stephanus.
|
|