salutem et omne bonum»; vel: «salutem et semper optatis
perfrui.»
66 Una comitissa aliam sic salutat:
«Pretiosissime mulieri comitisse M. forma et morum
elegantia decorate illustris comitis G. uxori, comitissa R.
uxor comitis Ildebrandini salutem et vinculum indissolubile
amoris.»
67 Regina Anglie sic salutat imperatricem:
«Serenissime ac pretiosissime mulieri C. Dei gratia imperatrici
et semper auguste, M. regina Anglie salutem.»
Predictas salutationes una regina alii mittere potest.
68 Una domina sic salutat aliam:
«Nobilissime mulieri domine forma et moribus redimite M.
uxori domini I., H. uxor P. de Sacco salutem et pure
dilectionis affectum.»
Si non habuerit virum, dicet M. quondam uxor P. de Sacco.
69 Una abbatissa sic aliam salutat:
«Venerabili in Christo sorori domine M. Dei gratia sancte
Marie de Viano abbatisse dignissime, F. peccatrix monacha
sancte Marie de Cannis abbatissa salutem in nostro salutari.»
Sequuntur II et III partes.
|
|