Parentibus et fratri Stephanus.
Mortis nuntias, doloris baiulas et tristitie relatrices leta manu recepi,
sed corde lugubri, lingua balbutienti ac oculis lacrimosis legi litteras quas
misistis, ex quarum singultuosa et plena suspiriis lectione, proch dolor,
intellecto quod … frater meus, iuventutis in eo flore nimis intempestive
preciso, debitum fragilitatis humane persolvit, lacrimas continere non
potuit oculus, sed tristitie nebula genas obducens offuscavit etiam tetra
doloris caligine letitie mee dies, fecitque suam in me funerei doloris
immensitas, quantum debuit, quantumque licuit, sessionem. Fine siquidem
posito luctibus et post doloris angustias de fratre perdito, quem visurus
|
|