uxore sua concesserunt in hoc monasterio et domno Berardo
abbati res suas territorii Sabinensis, idest quintam partem
de suprascripto castello Catino et eius pertinentię, et ceterorum
castellorum, et podiorum, sive ęcclesiarum, omniumque rerum
sicut supra scripsimus. pro quibus omnibus recepit prętium similiter
argenti librarum .CC.
Heinricus autem divina favente clementia quartus rex, precatu
domni abbatis Berardi, et optentu domni Adelberti Amaburgensis
archiępiscopi, per sui paginas pręcepti hoc monasterium in priorem
statum regio moderamine reduxit, et reformavit edicto regali legibus
et usibus antiquis, nullique hanc ęcclesiam nisi regię singulariter
dicioni subiacere sanxit, et omnia bona illius mobilia et
immobilia confirmavit, etiam nominative castrum de Arce, et
castrum Terranianum, monasterium Sancti Benedicti in comitatu
Asisinato, cellam Sancti Mariani in Camerino, cellam Sancti Salvatoris
in civitate Teramnana, cellam Sancti Clementis in comitatu
Narniensi iuxta rivum Lagiam, ecclesiam Sanctę Marinę, et
ęcclesiam Sanctę Iustinę, et ecclesiam Sancti Anestasii in Vaccaricia,
ęcclesiam Sancti Nicolai in Maccla, ęcclesiam Sancti Cesarii
in Poli, cellam Sanctę Marię in Minione, cellam Sancti Angeli
sub Ripa urbis Corneti, cellam Sancti Peregrini penes eandem
urbem. item, Remedius et Teuzo filii Crescentii, et Iohannes
filius Iohannis concesserunt in hoc monasterio res suas territorii
Sabinensis in Biliano, et in Montio quod nominatur Costa, ubicumque
podium ędificari oportuerit. item, Manases filius Tebaldi
et Tebaldus filius eius et Rachisus et Boninus filii Cononis
concesserunt in hoc monasterio res suas in pertinentia Laci,
excepto molino de Lophoniscis. item, Petrus de Pontio concessit
in hoc monasterio res suas in pertinentia eiusdem Laci
super vineam Tebaldi de Maniseo. item, Guido pręsbyter,
|
|