Petrus de Vinea: Epistolarum libri VI

Pag 485

Tomus I


esse volumus de praedictis, praesentium
autoritate praecipimus mandantes, quatenus
ut quamprimum officiales transacti temporis,
per Excellentiam nostram principaliter
ordinati, posituri rationem de gesto per ipsos
officio; vel se nobis ultroneos offerent, vel
ad id vocati, se etiam praesentabunt: tactis
sacrosanctis Evangeliis, corporale praebeant sacramentum,
quod mandata omnia et literas,
quas a Majestate nostra, propter officium creditum
exercendum receperant, vobis debeant
integre praesentare. Quibus exhibitis coram
vobis quantitatem omnium mandatorum et
responsalium, sicut ad quemlibet singulis mensibus
sunt directa, discretis, his quae fiscalia
mere continent a privatis faciatis, officiali
praesente, in quaterno aliquo memorialiter annotari.
Sicque instanter, si hora vel tempus
patitur, et alia nostra major utilitas non repugnat,
legatis cum summa diligentia literas quae
ad officiales specialiter pro nostris servitiis sunt
directae; ordine mensium, sicut diximus, ordinato,
vel officiali praesente, de executione
illorum, quae videritis per nos mandata fuisse,
per literas exquirendo; quae si videritis per eum
executioni debitae demandata, commendetis
eundem; et bonum processum ejus, in speciali
quaterno, quem facere vos inde praecipimus,
redigi faciatis, nostrae conscientiae postmodum
applicandum. Quod si vobis de ipsorum executione
idonea non constaret, requiratis ab
eo, quare hoc potuerit accidisse. Qui si justam
excusationis suae causam praetenderit,
audiatis eundem et similiter annotetis; si vero
non justam, aut nullam excusacionem praetendere

Torna all'inizio