incutitur, cunctas hominum afflictiones excellat, per
quam tanquam per mortis discrimen filius a parentibus separatur,
tanto fortius nos decet provisionibus eorum intendere,
quanto in miserabili miseria constituti hominum consortium
desolantur, et propter horribilitatem morbi et defectum membrorum
nec substentationem possum adquirere, nec corporum
necessitatibus subvenire. Cum itaque magna multitudo talium,
languentium sit in hospitali Sancti Lazari in strata publica
iuxta civitatem Bononie congregata, et ad regendos eos facultates
ipsius non sufficiant hospitalis, fraternitatem vestram
exoramus in Domino, ut cum ad vos nuntius eorum accesserit,
elemosynas eis velitis conferre; et vos prelati ecclesiarum
nuntios ipsos benigne recipientes honeste tractetis, populos
vestros ad benefaciendum eis pro viribus inducentes.
Nos vero et cet ut supra. Istud quodque in quibusdam
litteris addi consuerit pariter et subiungi eisdem : nihilominus
condonantes quicquid de suis penitentiis oblivione vel
negligentia omiserunt.
CLXXXII.
Remissio pro ponte.
Quicumque pontem studet edificare super aquis viam
beatitudinis sibi parat in celis, ubi pro terreno transitu et
labore quietem accipit et perpectuam mansionem: ad quam
nos possunt inducere opera caritatis, que inter alias virtutes
obtinent principatum. Cum itaque tales fratres in strata publica
super talem fluvium pontem ceperint edificare, in quo
propter magnum acquarum impetum multa millia hominum
perierunt, et hec tanta pietatis opera sine vestro auxilio non
valeant exercere, fraternitatem vestram rogitamus et hortamur
|
|