se exponant, universitatem vestram monemus et
hortamur in domino, in remissionem vobis peccaminum iniungentes,
quatenus — ut cooperatores sitis operum pietatis
— accedentes ad vos eorum nuncios benigne recipere
ac honeste tractare curetis, eis grata subsidia et pias
elemosinas conferentes, ut quod eisdem in terris contuleritis
multiplicatum recipiatis in celis.
Nos autem de omnipotentis dei misericordia etc.
7. Pro leproso recipiendo in aliquo hospitali.
Frater I etc. dilectis in Christo filiis rectori et fratribus
hospitalis sancti La salutem et sinceram in domino
karitatem.
Dilectus G. lator presencium, occulto dei iudicio morbo
lepre percussus, nobis supplicavit ut eum in domo vestra
in socium recipi faceremus.
De hoc universitati vestre presencium auctoritate
mandamus, quatenus dictum G ob reverenciam dei nostrorumque
precaminum interuentu in domo vestra recipiatis
in socium et in fratrem, ipsumque sincera tractetis in domino
karitate.
8. De executoribus datis.
Sepe dominus papa scribit, quod provideatur alicui
clerico de aliquo ecclesiastico beneficio, spectante ad collacionem
talis capituli vel prelati.
|
|