sic peracta sibi, per medium fossatum ducere eum Teutonici
ceperunt.
Item imperator castellum maximum, quem Cremonenses
construxerant, versus murum castri Creme duci per eam
partem, per quam gatto fossatum implendo viam fecerat,
precepit. Cum autem Teutonici et Cremonenses ipsum castellum
firmiter ducerent et ad fossatum ipsius castri iam appropinquassent,
Cremenses una cum Mediolanensibus, qui intus
fuerant, cum quinque magnis manganis, quos infra ipsum
castrum construxerant, cum pluribusque etiam pretheriis super
ipsum castellum, ut eum omnino frangerent, maximos lapides
et mire magnitudinis proicere ceperunt. Imperator itaque hoc
videns timensque etiam, ne frangeretur, iussit obsides Creme ac
Mediolani eosque etiam, quos ex ipsis in bello ceperant, ad
castellum duci ac super ipsum castellum et ante ipsum ex
latere etiam ipsius castelli eos poni precepit; putans idem
imperator, ut, postquam ipsi, qui infra ipsum castrum fuerant
et lapides foras proiciebant, eorum filios ac parentes, germanos
et consobinos supra ipsum castellum positos esse cernerent
nec in ipso castello leviter ferire possent, quin ipsos, qui supra
ipsum castellum fuerant, non percuterent, deinde ipsos lapides
|
1
5
10
15
20
|