vestiti sunt vestibus lugubribus, ostendentes dolorem esse vehementem de morte ipsius. Et
multe gentes et nobiles de Forlivio et de Cesena et de Imola et de comitatu Imole, et
Lanbertacii, qui tunc morabantur Imole, et de multis aliis contratis, tunc, illis diebus, venerunt
Faventiam ad lugendum mortem dicti Raulis; et bene fuerunt ultra L boni viri, qui se
dictis vestibus lugubris induerunt, inter quos fuit dominus Maghinardus de Sosenana et
Octavianus eius gener, filius condam Ugolini de Sinno de [Ubaldinis].
Item, anno Domini millesimo ducentesimo nonagesimo octavo, indictione XI, die vigesimo
mensis maii, comes Coradus de Montefeltro, filius olim comitis Dadei de Montefeltro, occisus
fuit et frustratus a fidelibus suis, in castro suo, quod vocatur Petra Rubea, et, cum eo, occisi
sunt frater ipsius Coradi dominus Philippus, et unus filius et una soror ipsius Coradi occisi
sunt.
Item, eodem anno, die mercurii XVIII iunii, equitaverunt milites et populares civitatis
Faventie ad civitatem Imole, pro eo quia Bononienses venerunt iusta Imolam, causa faciendi
guastum.
Item, eodem anno, miltes de Imola et de Lanbertaciis Imole commorantibus, in quantitate
CC, equitaverunt versus Castrum Sancti Pauli, die veneris III iulii, ad insultandum
et danpnificandum quosdam homines, qui segabant in pratis, et equites, qui ad eorum custodiam
fuerant deputati; et accidit quod ipsos inventos viriliter insultarunt, et in fugam converterunt
eosdem, occidentes ex eis V, et duas equas accipientes eisdem. Et, in eorum
reditu, rumor insonuit ad Castrum Sancti Petri, ubi erant maxenate comunis Bononie in quantitate
equitum IV.c, qui, statim ascendentes equos ipsorum, cucurrerunt contra Lanbertacios,
et, dum fuerunt supra flumen Idicis, subtus stratam per duo milliaria, obviaverunt eisdem, e
curritores eorum in fugam verterunt. Demum, cum dicti curritores fuerunt ad eorum acies,
statim occurrerunt et insultaverunt predictas maxenatas, in quodam prato supra Idicem, et
invicem preliantes, de illis de illis maxenatis multi occisi fuerunt, et capti et debellati fuerunt,
et in fugam conversi, et equi plurimi et capti fuerunt et ducti ad civitatem Imole.
Item, anno predicto millesimo CC nonagesimo octavo, indictione XI, dum illi, qui habitabant
in Massa Lonbardorum, que posita est in comitatu Imole, subtus stratam, fecerent magnam
guerram habitatoribus civitatis Faventie et Imole; predicti et dominus Maghinardus
eorum capitaneus fecit exercitum iuxta dictum castrum Masse, ibique fecerunt edificari et
construi aliud castrum, ita quod nulla persona auderet mittere vel portare mercatum aliquod
ad dictum castrum de Massa. Postea vero, ipsum novum castrum destructum fuit per ipsum
dominum Maghinardum.
Item, eodem anno, congregatis in civitate Faventie et Imole militibus et populo undecunque,
ad petitionem dominorum Gallasii comitis de Montefeltro capitanei civitatis Cesene et
Maghinardi capitanei civitatis Faventie et Imole, et, die veneris, in sero, V mensis septenbris,
illi, qui erant Faventie, iverunt Imolam; et, die lune VIII septenbris, equitaverunt milites et
populares, qui erant ibidem, versus comitatum Bononie viriliter et potenter, in contrata Medicine.
|
|