39. (1) A MAIORI.
(2) A maiori sic Iuvenalis argumentatur:
'Omne animi vitium tanto conspectius in se
Crimen habet quanto qui peccat maior habetur'.
(3) Similiter et Lucanus: 'Par labor atque metus pretio maiore petuntur'.
40. (1) A MINORI.
(2) A minori sepissime argumentantur autores. Unde O.. 'Et minus est in te quam summa pondus arista' (3) vel sic: 'Si occidis hominem propter caulem, quid est ei faciendum qui sacra furatur'?
41. (1) A SIMILI.
(2) Simile hic appellatur simile negotium vel persona. Unde Lucanus:
'Stat magni nominis umbra
Qualis frugifero quercus sublimis in agro'.
(3) Predictas comparationes sepe inducunt auctores causa exornandi locutionem vel causa probandi aliquid de negotio vel persona.
42. (1) A CONTRARIIS.
(2) Contraria hic appellantur omnia opposita preter quam