: Historia de preliis Alexandri Magni (rec. I 3)

Pag 274


nobis iam tributa dedisti, dum a te pilam ludicrem et forulos
et cantrum aureum recepimus, que tantas in se continent dignitates
etc.
Quomodo nuncii Darii recesserunt
Cum hec epistula esset scripta, uocauit ad se missos Darii
imperatoris, et datis illis donis optimis et epistula recesserunt.
Post hec Alexander armato exercitu cepit contra Darium ire.
32. Darius itaque perlecta epistula iratus est ualde, statimque
direxit epistulam satrapibus suis tali modo etc.
Littera Darii missa satrapibus suis
Rex regum Darius Primo et Anthiocho satrapibus gaudium.
Audiuimus, quod Alexander, filius Macedonie, in stulticia eleuatus
intrauit terram Azie ipsamque omni plenitudine euacuauit.
Quapropter damus uobis firmiter in mandatis, ut magnis et
strenuis uiris et nostri imperii fidelibus congregatis contra
puerulum illum consurgere non tardetis apprehendentes illum
et coram nostra presencia conducentes, ut illo pueriliter flagellato
induam ipsum purpura et dirigam matri sue Olympiadi
derogatum. Non enim decet eum pugnare, sed cum pueris
puerilia exercere. 33. Relegentes itaque satrapes epistulam taliter
responderunt etc.
Epistula responsiua satrapum ad Darium etc.
Regi regum Dario, deo magno, Primus et Anthiochus satrapes
seruitutem etc. Sciat magnitudo uestra, quod ipse Alexander,
quem dicitis puerum, uestram prouinciam dissipauit. Non
autem congregata multitudine et cum eo pugnaturi tergauertimus
et uix euasimus de manibus pugnatorum. Nos autem, quos
uestri dicitis imperii coadiutores, maiestati uestre humiliter
supplicamus, ut nobis et nostris fidelibus celeriter succurratis etc.
Perscrutacio ipsarum litterarum etc.
34. Cum autem ipsam epistulam Darius perlegisset, uenit
alter nuncius dicens, quod Alexander castrametatus fuerat super
fluuium, qui Strama dicitur. Audiens hoc Darius imperator,
iterum scripsit Alexandro hoc modo etc.
Alia littera a Dario transmissa Alexandro etc.
Darius rex regum et dominus dominancium famulo meo Alexandro
mandamus: Per uniuersum orbem commendatum est nomen
Darii et laudatum. Tu ergo qualiter ausus es, pertransire flumina,
montes et maria et facere impetum contra culminis maiestatem?

1



5




10




15




20




25




30




35



Torna all'inizio