30. AUGUST. Si spiritu vivimus , id est si Spiritu
sancto serviamus, spiritualiter serviamus.
CAP. VI.—1. LANFR. Si preoccupatus homo fuerit .
Ita instrue ne propter instructionem extollaris, et
cadas in vitium. Vel, leniter instrue, quia tu fortasse
cades in vitium.
2. Alter alterius onera portate . Si videris fratrem
in aliquo delicto, leniter corripe illum, vel ora pro
illo, et sic levabis onus ejus.
3. AUGUST. ( Tract. 3. in psal. CXLIII.) Alter alterius
Qui portant invicem onera sua, nisi qui habent charitatem?
Qui non habent charitatem graves sunt sibi.
Qui autem habent charitatem portant se. Laesit te
aliquis, petit veniam; si non dimittis, non portas
onus fratris tui. Si dimittis, portas infirmum. Et tu
si forte in aliquam infirmitatem cecideris, quasi
homo, oportet ut sic te portet ille, quemadmodum
et tu.
4. LANFR. Legem Christi , id est dilectionem. Ipse
enim dixit: Mandatum novum do vobis, ut diligatis
invicem, sicut dilexi vos .
5. AUGUST. ( Exposit. in Epist. ad Galat. ) Ipse se
seducit . Non enim eum seducunt laudatores ejus,
sed ipse potius, quia cum sibi sit ipse praesentior
quam illi, mavult se in illis quaerere quam in seipso.
6. LANFR. Ipse se seducit . Ratio cur opus probari
oporteat.
7. Opus autem suum probet . Pseudoapostoli laudabant
eos, ideo dicit: Opus suum probet, ne quaerat
gloriam in altero, id est, in alterius dicto, sed in se.
8. Communicet . Qui, inquit, verbo Dei instruitur,
ei qui se instruit communicet in omnibus bonis suis.
Arguit eos tenacitatis in praedicatores suos.
|
|