ibi erit, qui eam dabit; et hoc probat: Spiritus est
Dominus; sed ubicunque est Dominus, ibi libertas;
ergo ubicunque est Spiritus, ibi libertas (a genere,
assumptio et conclusio); sed in Israele converso erit,
ergo in eo erit libertas.
15. Nos vero omnes revelata. Nos, inquit, omnes
apostoli revelata facie non cooperta, sicut Moyses,
coelestem gloriam speculantes ad ipsam enim est
intentio nostra quia nunc per speculum et aenigma
videmus in eamdem gloriam, quae adhuc, non qualis
est, apparet; sed quasi quaedam imago videtur fide,
et bonis operibus transformamur. In hoc enim contendimus
ut conformes ejus fieri possimus a claritate
fidei perventura in claritatem spei.
16. AMBROS. Nos vero omnes revelate . Per fidem
speculantes, ad eamdem imaginem transformari
speramus, id est, ut similes inveniamur, transacta
hac vita, imaginis gloriae Christi. Unde Joannes
Scimus, inquit, quia, cum apparuerit, similes ei
erimus .
17. AUGUST. (lib. XV De Trin ., cap. 8, tom. III.)
Gloriam Domini speculantes . Hoc speculum si quaeramus,
profecto illud occurrit, quod in speculo nisi
imago [ ad ., non] 93 cernitur. Hoc ergo facere conati
sumus, ut per hanc imaginem, quod nos sumus
videremus utcunque a quo facti sumus, tanquam
per speculum. Speculantes ergo dixit per speculum
videntes, non de speculo [ al ., specula] prospicientes.
Quod vero ait in eamdem imaginem transformamur,
utique imaginem Dei vult intelligi, eamdem dicens
istam ipsam scilicet, id est, quam speculamur, quia
eadem imago Dei est, et gloria Dei, sicuti alibi dicit:
Vir quidem non debet velare caput suum, cum sit
imago et gloria Dei . Transformamur ergo dixit, de
forma in formam mutamur atque transimus.
|
|