Beatus siquidem vir in tantum se humilitatis tegmine a vento
vanę glorię custodivit, quod undecumque humanis oculis videri mirabilis
potuit, studiosissima occultatione suppressit. Quę tamen
miracula etiam si minime fecisset, mirabilem vitam ducens minori
veneratione dignus non esset. Neque enim precursor Domini
fecisse miracula legitur, quo maiorem nullum inter natos mulierum
surrexisse Veritas ipsa testatur. Nonnulli enim Deo
se deferre existimant, si in extollendis sanctorum virtutibus
mendatium fingant. Hii nimirum ignorantes Deum nostro
non egere mendatio, relicta veritate, quę ipse est,
de falsitatis ei putant se placere posse commento. Quos
bene Hieremias redarguit dicens: «Docuerunt linguas suas loqui
mendacium, ut inique agerent laboraverunt». Qui enim ultro
|
1
5
10
|