a catholico pontifice consecretur. anteriorum etiam anathemata
abbatum vel seniorum pro nichilo duxit, et constitutum de campo
et arcibus cum excommunicationis obligatione pro huius ęcclesię
oportuna renovatione destruens violavit et corrumpens infregit.
[de quo videlicet pręfato abbate quadam nocte visio terribilis visa
est, scilicet quod tenellum puerum et innocentem coctum assatumque
comederet. cuius cum cocta membra minutatim incisa
pene devorata haberet, quidam ante illum assistentes, cum hęc
viderent, foras fugerunt prę stupore. iterumque paulo post ingressi,
ut huius intuerentur crudelitatis finem, videbant quod iam
in cerebro pueri intinctum panem avide manducaret. et cum
hanc quidam frater in capitulo coram cunctis reterret somnli visionem,
illius suppresso nomine, idem ipse, ut credimus, abbas,
veritatis spiritu compellente, interpretatus est dicens: « Pro certo
sciatis omnes, quia ille de quo hęc visio fuit, est vir mortis,
et in rebus pessimis ac nefandis domus huius et mei gravissimi
damni manum tellet flagitiose ». quod qui noverunt mirati
sunt, et cognoverunt hanc Dei iudicio prophetiam ab illo fuisse
ignoranter prolatam.]
Post hęc autem cum omnes seniores maiores atque minores
huius sancti conventus de huius monasterii vetustissima defectione
causarentur, et de novi monasterii in hoc super nos eminenti
monte constructione assidue ratiocinarentur, plurimi etiam Romanorum
civium magnates hoc votis omnibus niterentur, tandem
vix quasi compunctus et hominum favoribus coactus, hanc fecit
constitutionem cum anathemate auctoralique excommunicatione
pro novi in monte hoc monasterii constructione:
[Notum sit omnibus sub nomine christiano viventibus suarumque animarum
redemptionem in Christo habere cupicntibus, quod nos scilicet Berardus
Dei gratia Pharphensis abbas omnisque eiusdem monasterii conventus,
divina inspirante gratia et Dei genitrice ac semper virgine interveniente beata
Maria, corde et animo atque irrevocabili voluntate suam ęcclesiam cupimus
renovare. insuper et totum monasterium in monte hoc a fundamento construere
et hoc beatę Marię voluntate atque quorumdam Dei fidelium Romanorum,
quorum nomina Deus scit, iuvamine et exortatione incipimus, ac
tantum et tam admirabile opus Dei omnipotentis auxilio atque omnium eius
fidelium adiutorio explere confidimus. quicumque ergo huic sancto operi
|
|