XI
Dicamus nunc de peregrinacione. quam feci de Jherusalem versus
Nazareth et mare Galilee et Damascum et Sanctam Mariam de
Sardenai.
Postquam reversus fui de Ebron. de Arabia. de Egipto [et] Palestina. perveni
ad civitatem sanctam Jherusalem. in qua tribus diebus permanens,
omnia loca venerabilia visitavi. videlicet: montem Syon, in quo est cenaculum Domini. locum ubi virgo Maria. post Cristi ascensionem. XXViiije
annis permansit. locum ubi Cristus Spiritum sanctum misit apostolis.
locum ubi Cristus cycatrices sui corporis Thome ostendit. locum ubi Mathias
in apostolum electus fuit: locum. ubi Stephanus fuit sepultus. primus
beatus martir: locum sepulture regum Israel. Deinde visitavi locum ubi
beatus Jacobus major fuit decollatus. locum ubi Petrus flevit amare: deinde
Sepulcrum Domini cum omnibus adjacentibus locis visitavi. deinde
vallem Josaphat et primo ecclesiam ubi fuit sepulta virgo Maria (et super
sepulchrum ejus dixi missam in recessu). locum Gethsemane. locum ubi
Cristus oravit et angelus apparuit et orando factus est sudor tamquam
gutte sanguinis. et in illo loco captus fuit. locum ubi beatus Jacobus junior
multo tempore permansit et ibidem Cristus resurgens sibi apparuit. locum
ubi sepultus est beatus Zacharias propheta. unus de Xij prophetis.
locum fontis Syloe. ubi Cristus misit unum infirmum et sanatus est. locum
Porte auree. sive Porte orientalis. locum fontis Rogel. ubi fuit occisus
Ysayas propheta et sepultus. locum Acheldemach. qui emptus fuit XXX
argenteis (omnia ista sunt in valle Josaphat). locum ubi reversa sunt
corpora. que resurrexerunt cum Cristo. qui est juxta viam. que vadit
ad montem Oliveti. inter Gethsemane et locum ubi Cristus oravit: deinde
montem Oliveti et primo ubi Cristus ascendit in celum. locum ubi sepulta
est beata Pelagia. locum ubi apostoli fecerunt Credo in Deum. locum