59

et VI magnas naves Ianuensium sine aliis minutis prendiderunt cum maximo havere.
Eodem anno, dicti Consules comitem Gerardum et magistrum Rubertum, sapientes viros,
legatos ad imperatorem Fredericum direxerunt, pro iniuria, quem Cristianus archiepiscopus
Pisanis intulerat, et timentes ne aliquod contrarium de pisano populo, ab ipso archiepiscopo
vel alio imperatori nuntiatum fuisset. Quos Imperator magnifice recepit, et ad propria
cum gaudio et sue bona voluntate remisit. Eodem anno, iam fati Consules, VI idus
Iulii, miserunt Tepertum Dodonis virum probum, legatum in una galea ad regem Maiorice
pro facienda pace cum eo. Rex vero, quia hanc legationem desiderabat, honorifice eum
cum suis recepit, et pacem ad eius et Pisanorum voluntatem fecit, et eo per Provinciam revertente,
magnas iniurias Ianuensibus intulit naves eorum capiendo, et in profundum maris
demergendo, et sic Pisas cum laude, XVII kal. Septembris, reversus est.
A.D. MCLXXIIII. Cristianus, cancellarius imperatoris Frederici, qui multa male Tuscis
intulit, a kal. Aprilis usque ad medium mensem Octubris, Anconensium civitatem cum magno
exercitu militum et peditum, et quadraginta galeis Veneticorum, obsedit; in qua legatus
imperatoris Constantinopolitani cum multa pecunia pro eius auxilio erat; et ad tantam
penuriam civitatem coegit, ut canes et gattas et coria mortuorum animalium comederent.
Considerato predicto legato Constantinopolitani imperatoris Anconenses civitatem defendere
non posse, de civitate egressus est, et magnum exercitum quem ci tius preparavit, et dictum
cancellarium ab obsidione expulit.
A.D. MCLXXIIII, indictione VI, V idus Augusti. Campanilis Sancte Marie rotundus
fundatus est. Sequenti anno, factus gradus unus in circuitu.
A.D. MCLXXIIII. Magna fames per totum annum et plus fuit et grandis penuria.