huic monasterio ęcclesiam Beati Michahelis Archangeli cum tribus
terrę modiis in circuitu eius et in Compeniuli modia .L. item, quędam
Davinia uxor quondam Iohannis filii Ottonis, et Otto,
Iohannes atque Rainerius filii eius optulerunt huic monasterio
iuxta fluvium Currisium casalem quem tenuit Berizo Leonis Infantis
prius, et postea Iohannes Tiniosus: a primo latere rivus
Carbolanus, a secundo terra Sanctę Marię, a tertio casalis de Basabovem,
a quarto fluvius Currisius. item, Albericus filius
Gualabruni optulit huic monasterio res suas territorii Sabinensis
in Terraniano: a primo latere via publica quę dicitur Crucetum
venientes in limitem et in rigaginem et in Calentinum, ab alio latere
rigagines et venientes in rivum Tortum, et in prędictum Calentinum;
et alias res in Ruiano, et Tricasio, et in Agutianello.
item, Berardus filius Tebaldi refutavit sortem suam de olnnibus rebus
inter rivum Calentinum et ituvium Currisium, et ad Caput Aquę.
ępistola congregationis huius ad domnum papam Leonem.
Summo pontifici et universali papę, domino suo Leoni, admodum spirituali
theorię inherenti, humilis congregatio in cęnobio Sanctę Dei genitricis perpetuęque
virginis Marię Deo militantium, quicquid exigui servi summo domino.
liqueat summę clementię vestrę, sanctę Ecclesię princeps, quoniam assidue nostra
fraternitas gratanter Deo refert gratias, qui ab occiduis partibus vestram nobis
contulit sollertiam, quo scilicet ęcclesiastica adhuc vigent fastigia. sed ut
et vobis a Deo augeatur tranquillitas et vestra sancta impleantur desideria,
quatinus mater ęcclesia in pristinam reformetur lineam, nostra efflagitare non
desinit humilitas. neque hoc vos latere volumus, quod quamvis, peccatis
|
|