Sic in suspenso sponsalis causa remansit,
A Duce dum rediens Fulco solutus erit.
Tandem perpessus per iter dispendia multa,
Poplite demisso, se tulit ante Ducem.
<Fulco, (Dux) >
Sic ait: "O pie Dux et iudex iuste, querelas
Auscultate meas, si placet, aure pia.
Sorte fui misera quoddam delapsus in antrum
Compulsus turba nocte silente canum;
Adveniente die, populus me collapidarunt
Non visum, peius adiciendo malo;
Ut me viderunt, male se fecisse fatentes,
Me de sordenti surripuere loco.
His tamen ignosco prothomartyris ore precantis:
Ignoranter eos me lapidasse reor.
|
|