venerunt de Armenia de civitate Logaze, onerate senibus. parvulis.
mulieribus. orphanis et pupillis ultraquam mille quingentis. fugientibus de
Armenia. quod soldanus miserat gentes suas multas et fortes ad destruendum
ipsam et combusserunt totam planiciem et captivas duxerunt ultraquam Xij
milia personarum preter illos. quos gladio detruncaverunt. et inceperunt
ipsam destruere in die Ascensionis. ut dixerunt mihi Veneti mercatores.
qui erant ibi. que fuit dies XXV mensis Maji. O Domine Deus. quanta
tristicia videre ipsam multitudinem cum planctu et ejulatu filios lactantes
ubere in platea Famagoste ad pectora mulierum. senes. canes famelicos
lamentantes: audiant hec cristiani. qui in suis civitatibus et domiciliis
habitant. comedentes et bibentes et seipsos in deliciis nutrientes. qui
terram sanctam non curant acquirere et ipsam ad cultum deducere
cristianum.
Item. in eadem civitate Famagoste. me existente ibidem. mortuus
[est] quidam civis dives. ad cujus obseqium omnes religiosi fuerunt
invitati. et ego ivi. et. dum essemus ante portam defuncti. audivi mulieres
dulciter cantantes et tunc ascendi domum et respexi. ubi erat mortuus. et
ecce ad caput due mulieres cantantes alta voce. et due ad pedes pie lamentantes.
et iste sunt tibicines. de quibus loquitur Evangelista et cantabant
in lingua greca. et ideo eas non poteramus intelligere. quia omnes de
Cypro loquuntur grecum. bene tamen sciunt saracenicum et linguam
francigenam. sed plus utuntur lingua greca: quesivi. quod dicerent: dixerunt.
quod laudabant mortuum de pulchritudine. de providencia et de
alii virtutibus.
Item. in eadem civitate Famagoste. una die dominica. vidi unam sponsam
ire ad domum sponsi tali modo. quod ante ipsam portabantur
XX cerei seu doplerii accensi. et post ipsam XX accensi. et ipsam in medio
super unum equum. et habebat depicta supercilia et frontem. et post
cereos veniebant XL vel plures domine cum clamidibus nigris super
caput eorum usque ad pedes. valde honeste. quia tali modo vadunt omnes