referretur, inquantum est scientia, ad utrumque, oportet quod essent respectus
diversi secundum speciem. Sed respectus filii ad patrem et ad matrem est ad
terminos unius rationis; unde non oportet quod sit diversa relatio secundum
speciem, neque secundum rem.
Ad sextum dicendum, quod si Pater carnem assumpsisset de Virgine, esset filius
Virginis, non quidem per aliquam realem filiationem, cuius suppositum aeternum
subiectum esset, sed per respectum rationis tantum.
EXPOSITIO TEXTUS
«Hoc est Deum nasci de Virgine, scilicet hominem assumere». Verum est, si
humana natura dicatur homo; et si assumere dicatur ad se sumere, vel in se,
quod divinae naturae non convenit.
|
|