semper legittimam defensionem de iure et constituto
Florentino non exibuerit, aut si contra predicta
vel singula aliquam exceptionem iuris vel facti apposuerit
vel apponi fecerit et, ut dictum est, non defendiderit
et expedierit et disobligaverit, promisit tunc
eidem G., pro se et heredibus, dare et solvere ipsis fratribus
liberis et absolutis, vel eorum heredibus, ac cui
concesserit, nomine pene et pro pena, duplum extimationis
predictarum terrarum, resedii et rerum venditarum
pro tempore melioratarum. Et insuper duplum
pretii, scilicet libras tot pisanas, et omne dampnum et
expensas eadem causa factas vel faciendas resarcire et
emendare eis de iure, sub obligo potestatis plus eum ac
eius heredes urgere potentis, hiis omnibus et singulis
manentibus semper ex pacto ratis et firmis, sub ypotheca
et obligatione rerum et bonorum eius; vel: obligavit
et pingnus fecit eis bona sua presentia et futura,
constituens se pro eo possidere; pro qua siquidem absolutione
et liberatione, venditione, fine et refutatione,
et hiis omnibus supradictis, fuit confessus in veritate,
et non spe future numerationis, pretium, et nomine pretii,
idem G. ab ipsis fratribus recepisse et habuisse libras
.cc. pisanas, de quibus ab eisdem vocavit se bene pagatum,
sciens et profitens predicta plus valere et maioris
pretii esse, et quod plus valet eis donavit inter vivos
et concessit; omni merito, pretio et premio et launachil,
exceptioni non numerate pecunie et non soluti pretii,
fori privilegio et omni alii auxilio legum ac iuris et constituti,
et omni alii exceptioni renumptians et cetera, ut
supra de consensu uxoris et confessione, et aliis que
videris expedire.
DE FIDEIUSSORE LIBERATIONIS.
Insuper talis filius I., eius precibus et mandato in
omnem predictam causam fideiubens, et se et suos
heredes et bona obligans, et principalem se actorem et
defensorem predictorum constituens, promisit, convenit
et pactum fecit eisdem fratribus se facturum et curaturum
|
|